Neie Pälzer Texte vum Ede und de Uffbasse Palzbänd

Fauler Sundaach Nochmiddaach (Melodie: Lazy Sunday, Pälzer Text: Ede)

 Ah wär des net mol schää – beim Nochbar roi zu gucke

–doch der bleibt gern allää –  duud liiewer ääner schlugge

Der losst sich net blicke – der kummt nie dezu

Moi Mussig zu laut – un´ er will nur soi Ruh – aahh

 

Fauler Sundaach Noochmiddaach  — isch hab kee Luschd zu denke

Aache zu – un flieg devuu

 

Isch dreh die Mussig laut – un legg misch uff moi Sofa

Schun klingelt´s on de Deer – es is die Fraa vum Nochbar

Sie hot jetz genuuch – vun ihr´m Monn soiner Ruh

Un kuschelt sich zu mir uff´m Sofa dezu

 

Fauler Sundaach Noochmiddaach  — isch hab kee Luschd zu denke

Aache zu – un flieg devuu

Root – di du di doo – a root de doo de doy day

A-root de doo de dum – a root de doo de doody

 

Un gar niemand  nervt uns – die Mussig is laut

Un niemand is do – wu uns die Laune  versaut

Fauler Sundaach Noochmiddaach  — isch hab kee Luschd zu denke

Aache zu – un flieg devuu

Fauler Sundaach Noochmiddaach  — isch hab kee Luschd zu denke

Aache zu – un flieg devuu

 

Schoint kää Sunn mää – (Melodie Ain´t no sunshine – Bill Withers, Pälzer Text: Ede)

Schoint kää Sunn mäh wonn du geschd

Uhne disch is nur noch kalt

Schoint kää >Sunn mäh wonn du geschd

Schbürschd du net wie du mir fehlschd

Bis du hämkummschd bin isch alt

 

Isch frooch misch wonn du widder kummschd

S´schoint kää Sunn mää wonn du fehlschd

Unn mir brennt im Hals en Kloos

Jedesmol wonn du weggehschd

S´schoint kää Sunn mää wonn du fehlschd

 

Bridge:

Isch wees isch wees isch wees isch wees isch wees  4 x

Loss des junge Mädel loos

S´schoint kää Sunn mää wonn du gehschd

 

Helde uff Pälzisch (Melodie Heroes, David Bowie, Pälzer Text: Ede)

Du, du bischd so fies

Un isch, drink de gonze Daach

Weil mir uns lieb hänn unn des is de Fakt

Weil mir uns lieben un des is de Fakt

Obwohl nix, gar nix halt uns zusamme

Mir werr´m gewinne fer immer un immer

Unn mir wär´n die Helde grad fer en Daach

 

Her guud zu

 

Isch isch wollt du kännschd schwimme

Wie Delphine, wie Delphine halt sinn

Unn nix, gar nix treibt se aus´nanner

Mir werren gewinne fer immer un immer

Unn mir wäär´n die Helde bloß fer een Daach

Heer guud zu, was ich saach

Isch, isch wäär de King

Unn duuh du wäärschd moi Queen

Un niemand kann uns vertreiwe

Mir werr´n gewinne fer immer un immer

Un mir sinn die Herlde  blooss fer een Daach

Isch, Isch muss droo denke   (muss droo denke)

An uns – zu zwett on de Mauer  (on de Mauer)

Unn Gewehre – schiessen iwwer uns driwwer (iwwer uns driwwer)

Unn mir küssen uns als wonn gar nix wäär (gar nix wäär)

Unn die Schand war uff de onner Seit

Doch mir werr´n gewinne fer immer un immer

Unn mir wäär´n die Helde, bloss fer een Daach

Heer gut zu was isch saach

Mir weern die Helde   isch meen

Mir weern die Helde  isch meen isch meen

Mir weern die Helde  bloss fer een Daach

Mir weern die Helde

Mir sinn niemand un nix wird uns helfe

Konn soi isch ligg falsch donn hau liewer ab

Doch mir wääern Helde bloss fer een Daaaach (Stop)

oh oh oho    isch saach

Oh oh oho   bloss fer en Daach

Oh oh Oho  mir weern die Helde

Oh oh oho

Bloos fer een Daach

Bass uff heer zu – Get Back (Beatles, Pälzer Text: Christian Stolina, Bassist Palzbänd)

Bodo hääst en Kerl, der hängt in uns´re Kneipp rum  Unn der määnt er weer so schlau

Wonn du glaabschd du wääschd was Bodo wääs es besser  Bodo wääs es gonz genau

Refrain

Bass uff  heer zu   Bass uff was isch dir jetz verzehl

Bass uff  heer zu   Bass uff was isch dir jetz verzehl

 

Gebbt´s mol was Gehoimes, kääner derf des wisse

Bodo der find´s trotzdem raus

Wonn du glaabschd du wääschd was, Bobo wääs es besser

De Bodo kennt sisch nämlich aus

Bass uff  heer zu  Bass uff was isch dir jetz verzehl

Bass uff  heer zu  Bass uff was isch dir jetz verzehl

 

Refrain

Bass uff  heer zu  Bass uff was isch dir jetz verzehl

Bass uff  heer zu  Bass uff was isch dir jetz verzehl

 

Bring misch hääm   

(Melodie: Country Roads – Pälzer Text: Refrain: Dubbeglasbrieder, Strophen und Bridge: Ede)

Kumm vumm Urlaub, West Toskana

Rhoibrick Mannem, mir sin jetz glei dooh

De Woibietsender, der lacht misch schunn oo

Unn die Maxbursch – glei neewedraa

 Refrain:

Bring misch hääm in die Palz     Weil mers doo sauguud gfallt

Grüüne Berge, super Woi     Isch will nie mää wuu onnerschd soi

Ausfahrt Neischdadt, Richtung Haardt             frää misch riesisch, dass die Heimat naht

in moim Kühlschrank lischd en guude Woi      mir geht´s guud – schää dehääm zu soi

Bring misch hääm in die Palz   Weil mers doo sauguud gfallt

Grüüne Berge, guuder Woi    Isch will nie mää wuu onnerschd soi

 

Die Mannle blühn un morjens zwitschern all die Vechel (Vögel)

Die Sunn die schoint, de Himmel blau

Isch brauch schunnschd gar nix mää

Isch -fahr -uff -de -Stross unn glaab- dass -isch -am beschde

Gfaahre- weer-schunn geschdern noch – geschdern noch

//:Bring misch hääm in die Palz   Weil mers doo sauguud gfallt

Grüüne Berge, guuder Woi    Isch will nie mää wuu onnerschd soi://

 

Englischmann in de Palz   (Melodie: Englischman in New York, Pälzer Text:Ede)

 Ooh ooh  Ooh ooh

Um fünf is tea-time doo geht gar nix schunschd  Isch schieb moi Bisquitts in de Hals

Un zum Friehstick immer Hämm änn Eggs  Isch bin de Englischmann in de Palz

Du siehschd misch laafe an de Woistroos long  Mit me Stockschirm on de Seit

Aach wonn die Sunn schoint hab isch denn debei  Isch bin de Englischmann in de Palz

Refrain:

Ooh Ooh isch bin Auslänner, illegaler Auslänner  Isch bin Englischmann in de Palz

Ooh Ooh isch bin Auslänner, illegaler Auslänner  Isch bin Englischmann in de Palz

Un am Bus doo schdehh isch in de Schlang  Des Gedrängel muss net soi

Un wonn Irland autonom soi will  Ja donn schieesen mer widder noi

Refrain:

Ooh Ooh isch bin Auslänner, illegaler Auslänner  Isch bin Englischmann in de Palz

Ooh Ooh isch bin Auslänner, illegaler Auslänner  Isch bin Englischmann in de Palz

Ooh Ooh isch bin Auslänner, illegaler Auslänner

Seit em Brexit geht mer´s guud, de Englischmann fasst widder Muut

die Welt tickt widder rischdisch nooch moim G´fühl

unn owends drink isch Schlabberbier  die Gentelmen jo des sinn mir

Europa is vorbei ´s war uns zuviel

Oohh oohh

 

Un am Bus doo schdehh isch in de Schlang  Des Gedrängel muss net soi

Un wonn Irland autonom soi will  Ja donn schieesen mer widder noi

United Kingsdom des wird widder gross  Mit Kolonije on de Seit

Mit eierm Euro do wärr isch net reisch

Isch bin isch, nur soo do bring isch´s weit  Isch bin isch, nur soo do bring isch´s weit

Isch bin isch, nur soo do bring isch´s weit  Isch bin isch, nur soo do bring isch´s weit

 

Kummen z´samme  –  Melodie: Come together Beatles-Text: Ede

Liggd uff´m Sofa dehääm stobbt e Dudd Tschipps in sisch noi

Dringd e Flasch Sekt dezu leer  unn fühlt sisch krank hinnerher

Des – macht — ihr gar keen Schbass

Sie Holt sisch ihr´m Jobbe unn geht naus uff die Gass

Sie hot kää Schuuh o unn laaft  nüwwer zum Marktplatz unn schdeht

Dort bei de Leit rum un drinkt   Coca Cola unn singt

Isch kenn disch — du kennschd misch

Heer loss der gsaat soi mir sinn frei du un isch

Refrain

Kummen z´samme – ehr Leit — allah hopp

Sie packt ihr Klompf aus un singt Songs vum Dylan unn singt

Songs vum Schbringstiien und singt  Woody Guthrie unn hott

Fiess – dreggisch – bis on die Knie

Schdimmt widder en Song ao un fühlt sisch guud wie nie

Refrain

Kummen z´samme – ehr Leit — allah hopp

Gitarrensolo

Refrain

Kummen z´samme – ehr Leit — allah hopp